【求婚餐廳】10精選間特色求婚餐廳 浪漫求婚無難度

唔少人都會喺求婚當日揀一間氣氛浪漫嘅餐廳，於良辰美景之下向深愛嘅另一半求婚，唔單可以令求婚成功機會上升，仲可以同另一半影相留低美好回憶。其實香港都有唔少適合求婚嘅餐廳㗎，今日 ReUbird 就為大家精選咗 10 間求婚餐廳，畀各位參考下啦！

 

1. Felix

位於香港半島酒店28樓嘅 Felix， 係國際知名法籍設計師 Philippe Starck 嘅傑作，室內裝潢充滿現代感之餘，仲可以望到迷人嘅維港景色。餐廳由大廚Juan Gomez 坐陣，佢唔單擁有國際級餐飲經驗，亦效力海外多家米芝蓮星級食府並屢獲殊榮，實力非凡。而 Felix 嘅 cocktail 更加係精美出眾，品嚐住美酒進食浪漫晚餐，喺呢到求婚一定唔會失禮。

 圖片來自 Felix

人均消費： $801以上

地址：尖沙咀梳士巴利道22號香港半島酒店28樓（Google Map）

OpenRice 連結：按此

 

2. Whisk

作為當代西餐廳代表之一嘅 Whisk ，位於 The Mira Hong Kong 5樓，由獲獎無數嘅廚藝團隊主理。佢哋採用全球最優質嘅食材作烹調，製作出美味嘅澳洲牛扒、日本大和豬肉、法國鵝肝、大西洋珍寶帶子以及自家熟成斧頭扒。如果你同你嘅另一半對美食有一份執著，不妨喺求婚之日選擇呢間餐廳喇！

圖片來自 Whisk

人均消費： $801以上

地址：尖沙咀彌敦道118-130號美麗華廣場The Mira Hong Kong 5樓（Google Map）

OpenRice 連結：按此

 

3. Foxglove

中環有間隱世奢華酒吧餐廳，未必人人識去，所以揀呢度求婚，一定會畀到另一半新鮮感十足嘅體驗！餐廳外表係一售賣英國高級傘嘅店舖，但當你打開玄關，穿過陳列住雨傘嘅金黃櫃子後，就會去到一間以飛機艙為主體，充滿英式格調嘅地下酒吧餐廳。除咗美食佳餚，呢到都有齊 jazz音樂、whiskey、cocktails ，十分有格調。值得一提嘅係，呢到亦有VIP房間，非常適合包場舉行求婚 party！

 圖片來自 Foxglove

人均消費：  $201-400

地址：中環都爹利街6號印刷行2樓（Google Map）

OpenRice 連結：按此

 

4. Tosca di Angelo

呢間意大利餐廳位於香港麗思卡爾頓酒店102樓，餐廳名源自世界聞名歌劇 Tosca。餐廳嘅環境同餐飲充份呈現咗歌劇嘅格調，浪漫感十足。餐廳樓底高，空間感極強，十分氣派！食物方面，餐廳主打浪漫拉丁風情嘅義大利南部特色美食，用餐時彷彿置身於西西里島上，盡享異國風情。如果另一半鍾意異國浪漫情調，Tosca 便係一間完美嘅求婚餐廳。

圖片來自 Tosca di Angelo

人均消費： $801以上

地址：尖沙咀柯士甸道西1號環球貿易廣場(ICC)香港麗思卡爾頓酒店102樓（Google Map）

OpenRice 連結：按此

 

5. Ta Vie 旅

Ta Vie旅係一間國際知名嘅餐廳，曾獲米芝蓮二星殊榮，並列為亞洲50最佳餐廳之一。餐廳由天空龍吟日本料理創辦總廚山本征治先生徒弟佐藤秀明主理，希望透過食物帶客人進行一次味覺之旅。求婚之日，同另一半喺呢到品嚐完「味覺之旅」之後，都可以為佢戴上戒指，一齊進行雙方餘下嘅「人生之旅」。

圖片來自 OpenRice

人均消費： $801以上 

地址：中環皇后大道中74號中環∙石板街酒店2樓（Google Map）

OpenRice 連結：按此

 

6. The Grand Buffet 自助山

求婚一生人一次，緊係想揀個特別啲嘅地方留低美好回憶喇！The Grand Buffet 自助山係全港唯一擁有醉人景色嘅360度旋轉式自助餐廳，餐廳旋轉一圈大約需要個幾鐘，可以一邊同另一半品嚐美酒佳餚，一邊欣賞醉人靚景。而餐廳嘅裝潢以時尚金色線條主導，高雅時尚，試想像下喺咁特別嘅360度香港夜景下求婚，一定好難忘！

圖片來自 The Grand Buffet

人均消費：$401-800

地址：灣仔皇后大道東183號合和中心62樓 （Google Map）

OpenRice 連結：按此  

 

7. Mr & Mrs Fox

樓高三層嘅 Mr & Mrs Fox，以經典童話中嘅狐狸角色為設計靈感，將鄉村風格與華麗元素完美糅合，營造出獨特嘅用餐氛圍！餐廳嘅每一樓層都有唔同 menu，地下 Mrs Fox 係休閒餐飲；Mr Fox 則位於一樓，係以風乾牛扒及海鮮為主嘅餐廳；餐廳最高層嘅 Den 專為私人餐飲聚會而設，可以邀請朋友一齊為你嘅求婚 party 作準備！

圖片來自 Mr & Mrs Fox

人均消費：$201-400

地址：鰂魚涌糖廠街23號地舖（Google Map）

OpenRice 連結：按此  

 

8. Arbor

位於中環藝術地標H Queen's內嘅 Arbor，餐廳名係拉丁文中「樹」嘅意思，所以踏入餐廳令人感覺彷彿去到地中海國家。室內樓底高，空間感十足，格調自然輕鬆。食物方面，主打新派法國菜糅合日式元素，餐廳更喺開業短短兩年內獲得兩星殊榮。如果你嘅另一半少女心十足，不妨帶佢嚟呢間充滿地中海特色嘅餐廳求婚啦！

圖片來自 Arbor

人均消費：$801以上

地址：中環皇后大道中80號H Queen’s 25樓（Google Map）

OpenRice 連結：按此  

 

9. Belon

位於中環嘅 Belon 同蘇豪區嘅風格如出一轍，環境十分優雅兼有情調，天花嘅波波燈、餐室木製嘅枱櫈，加上藍色真皮梳化，帶畀人浪漫優雅嘅用餐氣氛。呢間餐廳除咗曾獲選2019米芝蓮一星餐廳之外，更加榮登「亞洲50大最佳餐廳」，食物質素有一定保障，求婚當日包你另一半滿意！

圖片來自 Belon

人均消費：$801以上

地址：中環蘇豪伊利近街41號地舖（Google Map）

OpenRice 連結：按此  

 

10. Howard's Gourmet 好酒好蔡

邊個話求婚一定要清一色食西餐廳？如果你嘅另一半鍾意食中餐，都可以試下呢間㗎！「好酒好蔡」室內裝潢概念以白色為主要色調，簡潔高貴，樓底極高，客人可一邊品嘗精細巧手的中國菜，一邊欣賞窗外美景，感受醉人浪漫摩天輪夜景！喺浪漫嘅氣氛之下求婚，相信另一半一定笑住 say " YES"！

圖片來自 Howard's Gourmet 好酒好蔡

人均消費：$801以上

地址：中環干諾道中3號中國建設銀行大廈5樓 （Google Map）

OpenRice 連結：按此  

 

唔知大家睇完呢篇文，又有無啱心水嘅餐廳同另一半求婚呢？

 

你可能有興趣嘅文章：

【求婚場地】娶得美人歸 | 浪漫求婚地點你要知

【喜帖寫法】結婚喜帖格式內容 教你撰寫完美囍帖

【婚紗禮服租借】精選15間婚紗店｜為你找到浪漫迷人的專屬款式